صور لمصر
قصيدة
اغنية
مقالة
كلة كلة
فُتحت القهوة
بحبك يا مصر
دايما باتخيل بلادنا في هيئة فتاة اسكندرانية او قاهرية ريفية او صعيدية لابسة طرحة و جلابية دايما و انا معدي من قدام كوبري الجامعة اقف امام تمثال نهضة مصر للرائع محمود مختار اتامل ملامح هذه الفتاة او السيدة تبهرني ملامح
طيبتها ... عفتها ... عنفوانها ... و صلابتها
مصر ياما يا بهيه
يا ام طرحه وجلابيه
الزمن شاب وانتي شابه
هوا رايح وانتي جايه
جايه فوق الصعب ماشيه
فات عليكي ليل وميه
واحتمالك هوا هوا
وابتسامتك هيا هيا
تضحكي للصبح يصبح
بعد ليله ومغربيه
تطلع الشمس تلاقيكي
معجبانيه وصبيه
يا بهيه
مصر ياما يا سفينه
مهما كان البحر عاتي
فلاحينك ملاحينك
يزعو للريح يواتي
اللي ع الدفه
صنايعي
واللي ع المجداف
زناتي
واللي فوق الصاري كاشف
كل ماضي وكل اتي
عقدتين والتالته تابته
تركبي الموجه العفيه
توصلي بره السلامه
معجبانيه وصبيه
يا بهيه
بحبك يا مصر
سحلب على حسابي للموجودين والغايبين والراجعين
نووووو شيشة
قهوتنا هواها نظيف
وصاحبها لطيف
ودمها خفيف
وزباينها يا لطيف يا لطيف
حبهم في القلب زي البلوبيف _ مع اني مبحبش البلوبيف بس القافية حكمت _
وااااااااااادي السحلب المخيف
الكاسات ترجع لو سمحتم بلاش الحركات دي
ايه رأيكم بقى لو لو نشرب السحلب على صوت عبد المطلب ؟
الراجل ده زى العسل
تحس فيه ان مصر بتغنى
بس مش مصر كلها الحقيقة ..
بس مصر الحسين وخان الخليلي
مصر الغورية والعتبة وشارع محمد علي
تشم ريحة البخور قبل صلاة الجمعة
لعبد المطلب نرجع بقى
يلا نسمعه سوا
ساكن في حي السيدة
ساكن في حي السيدة.. وحبيبي ساكن في الحسين
وعلشان أنول كل الرضا.. يوماتي أروحلو مرتين
علشان حبيبي زي الغزال.. يوماتي أهجر حيّنا
وكل واحد عني قال عني.. عاشق وقلبو مش هنا
وأنا قلبي متحير ما بين.. السيدة وسيدنا الحسين
أفوت على بيت الحبيب.. أقول جريح يا أهل الهوى
وياريت يكون لي معاد.. والحب يجمعنا سوى
والفرحة تبقى فرحتين.. من السيدة لسيدنا الحسين